පැහැසරණිය

                      සල්ලි ම නෙමෙයි ජිවිතේ කියලා කිව්ව ඔයා මේ මුළු අවුරුද්ද පුරාවට ම සතුට ගෙනාවා. ඇත්තටම සල්ලි ඕනි නෑ එක පුංචි හිනාවක් ඇති මනුස්සයෙක්‌ගෙ හිත හදන්න....ආදරණීය එක වැළඳ ගැනීමකට පුළුවන් මනුස්සයෙක්ට ජීවත් වෙන්න හේතුවක් වෙන්න..බාධක හැලහැප්පීම් මැද්දේ ආපු මේ අවුරුද්දේ අන්තිම දවස අද.... මං කියන්නේ පුළුවන් විදියට මනුස්සයෙක්‌ගෙ මුණට හිනාවක් ගේන්න....කා එක්කවත් තරහා නොවී සතුට ගෙනෙන සිනහව වපුරන්න...... ඉතින් සතුටින් සමුදෙන්න මේ 2022 අවුරුද්දට..... 💜 

පිපී ඇති මුත් හරි හැඩට තවරාන නෙක පැහැය දඟකාර පුංචි සමනලුන් සිල් ගන්න සමය යි මේක......

   තද හීතල හිම කුණාටු මැදින්  පිනි මුවෝ එක්ක එන නත්තල් සීයා 🎅......  ඇයි නත්තල් සීයා ගේන තෑගි 🎁......  කොළ පාට වැහෙන්න ම  කහ, රතු නොයෙක් පාට පිරුණු  ලස්සන නත්තල් ගස් 🎄......  රස වෑහෙන පාට පාට අයිසින් තැවරූ  නත්තල් කේක් 🍰......  රතු ඇපල් රස  රතු පාට වයින් 🍷......  රස පිරුණු චොක්ලට් 🍫......  අහසේ හඳ ළඟින් ම පායලා තිබුණු  අර ලස්සන තරුව🌟......  පේනවා ද මරියා අර නත්තල් ගහ උඩ 🎄......  අහස පුරා ම පාට පාට මල් වෙඩි 🎆......  ජේසු බබා ගව ලෙනේ සීතලේ   අම්මා තුරුලේ හොඳට ම දොයි......  පල්ලියේ යාතිකා හඬ හැම තැන ම...... "ස්වර්ගයේ වැඩ සිටිනා අපගේ පියාණෙනි......"  කැරොල් ගීත හඬ  පරිසරය පුරා ම  දෝන්කාර දෙනවා......  ඉතින්......         සුබ නත්තලක් මරියා ♥️......

වසන්තය මගහැරුනා කියලා පසුතැවෙන්න එපා කවුරුත් දන්නේ නෑ අවාරෙට පිපෙන මල් කොච්චර සුන්දරයි ද කියලා..... 🥰

                                ගස්වැල් කොළ හැලී ඇත. ගස්වැල් පාමුල ඒ සියලු කොළ හා මල් වැතිර සිටියි. අහස දෙසට දෙඅත් දෙස් දෙවොල් තබන්නාක් මෙන් වියළි ගස්වල අතු ඉති ඉකිබිඳි යි. පොළොව පැලී ඉරි තලා ඇත.වියළි කටුක සුළං ඈතට ඇදගෙන යයි. අව්කට්ටේ ගිනියමින් මුළු පරිසරය ම ගිනියම් වී ඇත.                 අව්රශ්මිය වෙනුවට අඳුර පරිසරය වසා ගනී. අහස බිය ගෙන දෙන අන්දමින් ගොරවන්නට විය. විදුලි කෙටුණි.ගිනියම් වී ඉරි තැලුණු මහී කාන්තාව කට ආයාගෙන ඉහළ බලා සිටියි.කවුරුත් සතුටු කඳුළු වඟුරුවන්ට වූහ. "අදවත් වැස්සොත්" කාගෙත් එක්ක ම ප්‍රාර්ථනය විය.                               මාස ගණනාවක් මුළු ගම්මානය ම අරක් ගෙන සිටි නියං රකුසාට ඉන්න හිටින්න තැන් නැති වන තත්ත්වය උදාවනු දැකීම ඉතා ප්‍රියජනක  දසුනකි. මුළු දවස පුරා ම ගුවන අරා පැතිර ඇත්තේ කළු වැහි බර වූ වළාකුළු ය. ඉඳහිට මහී කාන්තාවට ඇද හැලෙන සිහින් ජල බිඳු සොවින් පලා යන නියං ර...

අපි පුංචි ම පුංචි කාලේ දේදුන්නක් පායලා තියනකොට 'අම්මේ, ඒ මොකක්‌ ද?  'කියලා අම්මගෙන් ඇහුවා ම අම්මා කුරුමිට්ටා තියලා යන රත්තරන් කාසි පිරුණු මුට්ටිය ගැන කතා කියනවා.ඒ කතා අහපු දවස්වල ඉඳලා ම මම දේදුන්නට පුදුමාකාර විදියට ආදරෙයි.රතු, තැඹිලි, කහ, කොළ, නිල්, ඉන්දිගෝ, දම් මේ කියන එක එක පාට පිරුණු සිතුවමක් වගේ දැනෙන හැඟීම ඇත්තටම අකුරු කරන්න හරි ම අමාරුයි.... 🥺❤️  දේදුන්නත් හරියට සමහර ආදර කතා වගේ. එක පාරට ම මතු වෙලා අතුරුදහන් වෙනවා...🙄   හීතලත් එක්ක වැහි බිඳු කීපයක් බිමට වැටෙනකොට අව්වත් ටිකක් තියනකොට දේදුන්න පායන්නේ මුළු නිල් අහස ම හැඩ කරලා🥰....එතකොට අහස දිහා ම බලාගන ඉන්න හිතෙනවා🤗.....ඒ දැනෙන හැඟීම වචනෙන් කියන්න බැරි තරම් ම අපූරු යි... 😍

 "කෙනෙකු තුළ පවතින ජීවත් වීමේ සහජාශාව ජිවිත මදයක් දක්වා වර්ධනය විය හැකි ය. එවිට එම තැනැත්තාට නො මැරෙන අයෙකු සේ ජීවත් වීමට අවශ්‍ය වේ. මහලු විය පිළිකුල් සහගත දෙයක් සේ දකියි. මරණයට බිය වීම සියලු ම ජීවීන්ට පොදු ධර්මතාවකි"

"By training the mind into bhavana on body parts,early adulthood can be developed into a life that is full of faith,loving kindness, tolerance, equanimity and amity without obsessive desires for sex. Then ,life becomes full of harmony and more comfortable"

                  දානය අප මෙතරම් අගය කරන්නේ ඇයි? මෙතරම් ඉහළින් වර්ණනා කරන්නේ ඇයි? ඔබ දන්නවා ද? 🔴 දස පාරමිතා අතර පළමුවැන්න දානය යි. 🔴දස උප පාරමිතා අතර පලමුවැන්න දානය යි. 🔴දස පරමත්ථ පාරමිතා අතර පලමුවැන්න දානය යි. 🔴දස රාජ ධර්ම අතර පළමුවැන්න දානය යි. 🔴සතර සංග්‍රහ වස්තු අතර පලමුවැන්න දානය යි. 🔴ත්‍රිවිධ පුණ්‍ය ක්‍රියා අතර පළමුවැන්න දානය යි.                   මේ අයුරින් බැලූ විට සෑම තැන ම පළමු තැනට දානය පැමිණියේ ඇයි? දන්දීම සිල් රැකීමට වඩා පහසුයි. සිල් රැකීම භාවනා කිරීමට වඩා පහසු ය.ඒ නිසා දාන, සීල, භාවනා ලෙසින් පෙළ ගස්වා ඇත. වෙසක් පොහොයට දන්සැල් දීම සඳහා බොහෝ දෙනා ඉදිරිපත් වෙති. සිල් සමාදන් වෙමුයි කිවහොත් බොහෝ දෙනා පසුබට වෙති. භාවනා කරමුයි කිවහොත් තවත් පිරිස අඩු වේ.ඒ අනුව පෙනී යන්නේ ශ්‍රද්ධාව ඇති කරගෙන පළමුව දානයෙන් ආරම්භ කිරීම වඩාත් යහපත් බව නොවේ ද? 

ඈත ආදර කන්ඳෙන් එන හීතල සිරි සිරි හුළඟත් එක්ක මුහු වෙච්ච සංගීතය, එයට ම එක් වුණු බෙලිහුල්ඔයේ අපූරු ගායනය කෙතරම් සුන්දර ඇති ද?😍මිත්‍රයා..... එකයි සබරගමුව සරසවිය ඒ තරම් ම ලස්සන..... 🥰

  සූරියකාන්ත මලක් බෙල්ල කැඩී මිය ගොස් තිබුණා.......... ඉරු විවිධ පැතිවලට හැරී තිබුණා හැරි හැරී තිබිලා ඒ සූරියකාන්ත මලත් ඇස් තියන් ඉඳලා🌻💔...

                        බුදුදහම සියලු සත්වයන්ගේ පෞද්ගලික මෙන් ම සමාජගත දුක් පිළිබඳ විග්‍රහයක් හා විසඳුමක් වශයෙන් හඳුන්වනු ලැබේ. " මහණෙනි, මම දුකත් දුක නැති කිරීම යන කරුණු දෙක උගන්වමි"යි බුදුරජාණන් වහන්සේ විසින් ම වදාරා ඇත්තේ එහෙයිනි. චතුරාර්ය සත්‍යයෙන් ඉදිරිපත් වන්නේ ද පූර්වෝක්ත කරුණ ම ය. මෙහිදී පුද්ගලයාගේ සන්තානගත දුක හෙවත් සසර දුක පමණක් නොව සමාජගත දුක පිළිබඳව ද උද්‍යෝගය දක්වා තිබීම වැදගත් වෙයි.                     සත්වයාගේ සසර දුක පිළිබඳ විග්‍රහයෙහි දී සහ විසඳුමේ දී බුදුසමය අසහාය බව පිළිගත යුතු ව තිබේ. සංසාරය පිළිබඳ යථා තත්ත්වය බුදුසමයෙහි තරම් මැනවින් විවරණය කරන වෙනත් දහමක් ගැන සිතිය නොහැකි තරම් ය.සංසාර දුකෙහි මහා නිදානය තෘෂ්ණාව බව පැහැදිලි කර එම තෘෂ්ණාව සමූලෝත්පාටනය කරන නිරාකුල ප්‍රතිපදා මාර්ගය බුදුසමයෙහි නිර්දේශ කර තිබේ .                          සමාජ දුක පිළිබඳ සාකච්ඡාවේ දී නූතන මිනිසා හමුවෙහි බුදුසමය සමඟ එක්ව...

        මං එක දෙයක් නම් හොඳට ම දන්නවා ඉම්ලි. තද කොළ පාටටයි තද නිල් පාටටයි පුළුවන් මහ හුඟක් දේවල් වෙනස් කරන්න...... අපිට හිතාගන්න බැරි විදියට.....

"මම හරි පරණ සැහැල්ලු කෙල්ලෙක්....." Modern party එකකට ගියාට මගේ හිත දුවන්නේ නිදහසේ ඔයත් එක්ක ගෙවෙන හවසකට... Message එකක් එනකොට සතුටු හිතුනට මගේ හිත දුවන්නේ ඔයා ආදරෙන් ලියපු ලියුමකට... AC එකක් දහඩිය නිව්වාට මගේ හිත පිරෙන්නේ සිරි සිරි සද්දෙට එන හීතල හුළඟ එක්ක ම ඔයාගේ හඬ ඇහෙනකොට... Weekend එකකට dinner dance එකක් වෙනුවට මට ඕනේ ඔයා එක්ක කහ පාට එළිය තියන, පරණ සින්දුවක් ඇහෙන coffee shop එකකට යන්න... ගොඩක් ජිවිත සංකීර්ණ වෙනකොට මට ඕනේ ඔයත් එක්ක සරල ජීවිතයක් ගත කරන්න... ඉතින්..... මට හිතෙනවා මම තරුණ ඇඟක හිරවුණු පරණ ආත්මයක් කියලා........ 

පුතා ගිය දිනේ සිට පියතුමන්                             කරා ඉතා සොවින් පසු වී හැම දිනේ                           පුරා තමාගේ එක ම අරමුණ මුළු හිතේ                    දරා මෙසේ කීය ගෝතමියට                              යසෝදරා බෝසත් තුමා පොරවා බුදු                             චීවරය රහල් පුතාට ද දුන්නේ ඒ                                   වරය මාළිගේ දසුන් සේරම                                සෝ  බරය නෑ මා තුළ ද ගිහි දිවියට                  ...

පෙනෙයි යක්දෙස්සාව ගස් අතරින් ගතට සිසිල ගෙන දෙමින් මඳ නල හමා යයි... වාහනවල හඬ බෙර පදයක් කරගෙන අහස දෙසට දිව ගිය පොල් ගස් නර්තන ශිල්පියෙකු ලෙසින් අතු තාලෙට නටවයි... රෝස, පිච්ච ආදී පුෂ්පයෝ මුකුලිත වෙති... ඒත් සමඟ ම සේපාලිකා ඇට්ටේරියා කැකුළියෝ විකසිත වෙමින් මුළු පරිසරය ම සුවඳින් නහවති.... යක්දෙස්සාව අතරින් නැඟී හිනැහෙන සඳවතිය තරු කුමරියන් ද සමඟ වේදිකාවට බට නර්තන කණ්ඩායමක් සේ ය...  විටෙක කිරලෙකුගේ නද වැව් ඉස්මත්ත පුරා ම විහිදී ඇසෙයි... හැන්දෑව නෙත් පුරා මනරම් සිත්තමක්‌ අඳියි...  

  හොඳ rank දාලා ආපු ළමයි  C එකක් ගන්න දඟලන  හරි අපූරු තැනක් තමයි                  ස                       ර                            ස                                  වි                                        ය.....

  පේනවා ද අර            දිලෙන පුන් සඳ.... ඇවිත් යන්නේ            තට්ට තනියම.... අපිත් ඒ වගේ             තමයි මෙලොවට.... එන්නේ තනියම             යන්නේ තනියම....

අනුබුදු මිහිඳු නැඟණිය සඟමිත්             තෙරණි  ජය සිරි මහ බෝ අංකුර ගෙන                  පැමිණි බුදු පහසින් සම්බුදු ගුණ එහි                     රැඳිනි ලක්බිම බුදුන් වැඩ සිටිනා ලෙස               දැනිණි සිරිලක මෙහෙණි සසුනේ ඇරඹුම වී              ය පෑතිස් නිරිඳු බෝ මැඩ රෝපිත                   දිනය සිරිපා වැඳුම සමනොල කරුණා                සමය බොදු හදවත් පුබුදන උඳුවප්              පොහොය 

ළදරු වියේදී නුඹ සිත ද අප සිත ද සැහැල්ලුයි හරි ම සතුටුයි..... මල්වර ද ළං වන බැව් සවන් වැකුණු දා මා හට සතුටු සිනා මැද දුකක් ය නුඹ ගැන බිය වී..... දියණිය නුඹ රැකුමට වගකීම ඇත්තේ මා හට නුඹ හැදුනට හොඳ විදියට මිනිසුන් කොහොමදැයි ඉතින්..... හැඩකාර මල් වටා තමයි මත් බඹරු රැඳෙන්නේ උන් තුඩ හරි විසයි දුවේ අවදියෙන් සිටින්..... මග හැරුනොත් මේ ඔවදන් අපි හැමෝම තැවෙයි දුකින්....  

සරාසඳ රැසින් නැහැවුණු මල් ගොමුවේ රෑ මනාලිය සුවඳ විහිදුවේ අහසේ තරු කැට දිස්වෙයි පොළොවේ කණාමැදිරි එළි දෙනෙත රැවටුවේ පරිසරය නිසල බව බෙදුවේ ඉඳහිට බකමූණෙකි හඬ දුන්නේ ළමා වියේ දුටු රෑ හඳපානේ අසිරිය සිත තුළ යළි රඟ දෙන්නේ

වරු ගණන් උස් නීල අහස දෙස උරිස්           තියාන පටලාන ඇඟිලි තුඩු සියුම් ලෙස                     දරාන බිඳකුදු අඩු නැති වැ ආලයෙන්                      පුරෝන ඔබ මා පෙමින් බැඳුනේ දෙනෙත් දෙස ම      බලාන 

              හැමදාම බලාගෙන ඉන්නේ ඔයාගේ ළඟට එන්න😍. මං දන්නවා ඔයා ඉක්මනට ම එනවා කියලා මාව එක්කන් යන්න😊.ඒ වගේ ම මං දන්නවා ඔයා මෙච්චර මහන්සි වෙන්නේ ඉක්මනින් ම මාව ඔයාගේ ළඟට ගන්න කියලා. කොච්චර වැඩ තිබුණත් ඔයා කෑවා ද?,හොඳින් නේද?, ඒක කරන්න එපා,පරිස්සමින් ඉන්න කියලා කියපු හැම වචනෙක ම තිබ්බේ ම අසීමිත ආදරයක්🥰.දුක හිතිලා කඳුළු පුරෝගෙන අඬනකොට 🥺 ඔයා මගේ හිත හැදුවා 😊. සතුටු හිතුන හැමවෙලේ ම ඔයත් මාත් එක්ක හිනා වුණා 😊. කොටින් ම කිවොත් දුකේදීත් සතුටෙදීත් ඒ හැමවෙලාවක ම ඔයා මගේ ළඟින් ම හිටියා 🥰. කප්පරක් බර ආදරයක් මං වෙනුවෙන් හිතේ පුරෝගෙන ඉන්න ඔයාට ආදරෙයි ගොඩක් ❤️..... 

             මං දන්නවා හැමදාම එක විදියට ම පායන්න බැරි විත්තිය💗. ඒත් ඉතින් මට නම් පුළුවන් ලස්සන දවස් එනකල් අහස දිහා ම බලාගෙන ඉන්න... 🥰 ආදරේ විතරක් ම අහසට ඉතිරි කරන්න... ටිකෙන් ටික අමාරුවෙන් හරි පිරිලා එන ඔයා දිහා ම බලාගෙන ඉන්න ☺️.... අඳුර විතරක් ම ඉතිරි වුණ දවසට ඔයා ගැන විතරක් ම සිහි කරන්න...හිතේ මැවෙන ඔයාගේ හැඩ ඇස පියාගෙන විඳින්න ☺️... හරි ම ලස්සනයි.😍...කොටින්ම අමාවක වගේ ම පුර පසළොස්වක දවසුත් ආදරෙන් වැළඳ ගන්න 🥰.... ම්ම්ම්....ඉතින් මං හරි ම ආදරෙයි ❤️......