හැන්දෑව.....

පෙනෙයි යක්දෙස්සාව ගස් අතරින්

ගතට සිසිල ගෙන දෙමින් මඳ නල හමා යයි...

වාහනවල හඬ බෙර පදයක් කරගෙන

අහස දෙසට දිව ගිය පොල් ගස්

නර්තන ශිල්පියෙකු ලෙසින්

අතු තාලෙට නටවයි...

රෝස, පිච්ච ආදී පුෂ්පයෝ මුකුලිත වෙති...

ඒත් සමඟ ම සේපාලිකා ඇට්ටේරියා කැකුළියෝ

විකසිත වෙමින් මුළු පරිසරය ම

සුවඳින් නහවති....

යක්දෙස්සාව අතරින් නැඟී හිනැහෙන සඳවතිය

තරු කුමරියන් ද සමඟ වේදිකාවට බට

නර්තන කණ්ඩායමක් සේ ය... 

විටෙක කිරලෙකුගේ නද

වැව් ඉස්මත්ත පුරා ම විහිදී ඇසෙයි...

හැන්දෑව නෙත් පුරා මනරම් සිත්තමක්‌ අඳියි...