අහස දම් වූ සොඳුරු හවසක අතින් අත හෙමිහිට තබා ඉතින් යමු අපි නොපෙනෙනා දුර අපේ සොඳුරු ම ලොව සොයා.......
Posts
.jpeg)
ළමා පරපුර රටේ සංවර්ධනයට හවුල් කර ගනිමු......
ළමා පරපුර රටේත්; ජාතියේත් ජීවනාලිය සේ සැලකිය හැකි ය. එයට හේතු රැසකි. අනාගතයේදී රට, ජාතිය තමා අතට පවරා ගැනීමට උරුමකම් ලත් කොටසක් වීම මෙහි ලා ප්රධාන වේ යැයි මම සිතමි. විශේෂයෙන් තුන්වන ලෝකයේ රටක් වන ශ්රී ලංකාවේ ළමා පරපුරට මෙහිලා වගකීම් සම්භාරයක් දැරීමට සිදුවී ඇත. අප ජීවත් වන්නේ තවමත් දියුණු වෙමින් පවතින රටක ය. ආහාර ප්රශ්නය, නිවාස ප්රශ්නය යන බලගතු ප්රශ්න රැසකින් අපි වෙළී සිටිමු. අපේ දෙමව්පියන් අඩුපාඩු රැසක් මැද ජීවත් වෙන්නන් හෙයින් ශ්රී ලංකාවේ ළමයින් වැඩි කොටසක් නිසි අධ්යාපනයක් ලැබීමට නිසි සෞඛ්ය පහසුකම් ලැබීමට නොහැකිව ලත වන්නෝ වෙති. මන්දපෝෂණයෙන් පෙලෙන දරුවෝ අප අතර වෙති. ලැබිය යුතු මූලික අධ්යාපනයක්වත් නො ලබා අනුන්ට බැලමෙහෙවර කරන අප වැනි සොයුරු සොයුරියන් ද සිටින බව නොරහසකි. රටේ සංවර්ධනය පිළිබඳ කතා කිරීමේ දී මේ අය ගැන විශේෂ අවධානයක් යොමු කළ යුතුයි. මේ කොටස අත් හැර දමා අප රටත් ජාතියත් ගැන සිතන්නේ නම් එය නිශ්ඵල ප්රයත්නයක් වන්නේ ය. ශ්රී ලංකාවේ උපන් සෑම දරුවෙකුට ම ජාති භේදයකින...
උදය කාලයේ දී ලොව මඟුල් ගෙයක් වැනි ය......
"කුක් කූ කූක් " හඬින් කුකුළු හාමි සුභ උදයක් ළඟා වන බව අපට කියයි. ඒ හඬින් අවදි වූ දහසක් කුරුල්ලෝ සුභ උදයට ආසිරි සංගීත එක් කරයි.සිසිල් සුළඟ අඩවන් දොර කවුළු තුළින් ගෙතුළට ඇදෙයි. තවත් නිදා ඉන්නේ කවුදැයි බැලීමට මෙන් කපුටු හාමි දොරකඩ අඹ අත්තේ ඉඳ විපරම් කරයි.පෑල දොර පැත්තෙන් කිංකිණි හඬ තලමින් දෙමළිති රෑන සැරිසරයි.උදෑසන අවදි වූ අප පිළිගන්නට මිදුලේ රෝස ගස සිනාසෙමින් සිටියි.මල් සුවඳ මුසු මඳ සුළඟ ගත සිත පුබුදු කරමින් හමා යයි. ඈත වෙල්යාය මීදුම් සළුවෙන් වැසී ඇත. කන්ද උඩින් පායා එන ළා හිරු කුමරුගේ රන්වන් රැස් දහරා කෙමෙන් කෙමෙන් තුරු මුදුන් සිප ගනියි. තණග රැඳුණු සීතල පිණි බිඳු මුතු කැට මෙන් දිලිසෙයි. දෙපයට ගැටෙන පිනි බිඳු ගතට අමුතු සිහිලසක් ගෙන දේ. ළිඳ ළඟ සේපාලිකා ගස යට සුදු පියවිලි එලාලූ සේ ය. මද සුළඟේ නැළවෙන තුරු ලතා වේලාසනින් ම අවදි ව කතාබහේ යෙදී සිටින්නාක් වැනි ය. ඒ ගසෙන් මේ ගසට මාරුවෙමින් ගී ගයන කුරුල්ලෝ ආගිය තොරතුරු කතා කරන ලෙස දැනේ. ඇත්තෙන් ම උදෑසන ලෝකය මගුල් ගෙයක් වැනි යැයි මට සිතේ .
