පැහැසරණිය

සිහල කලාගාරය නමින් ප්‍රකට සීගිරිය ලාංකීය ඉතිහාසයේ සුවිශේෂී ස්ථානයක් ගනියි.සීගිරියේ ඉතිරි වී ඇති ඉතා ම සුවිශේෂ මතක සටහන්වලින් එකක් ලෙස සීගිරි බිතු සිතුවම්වලට  පහලින් ඇති කැටපත් පවුර වසා සිටින  ගී සමූහය අපට දැක ගත හැකි ය. උසස්, මධ්‍යම, සාමාන්‍ය, පහළ ආදී නන් දෙසින් පැමිණි පුද්ගලයින් කැටපත් පවුරේ ගීත, කවි ලියා ඇති අතර ම ඒ සඳහා වස්තු විෂය වී ඇත්තේ  රාජ මාලිගය , සීගිරි සිතුවම්වල ලඳුන් හා අවට පරිසරය යි. සීගිරි කුරුටු  ගී කියන විට ම  මට නිතැතින් ම සිහියට නැගෙන්නේ අපේ අප්පච්චී ය. ඔහු නිතරම කවි කියයි. ඒ අතර සීගිරි කුරුටු ගීත ද නිතර මගේ සවන් වැකේ. ඒවායින් මා  ඉතා  ප්‍රිය කරන සීගිරි කුරුටු ගී ද කිහිපයක් ඇත.   දකුත් නැමී සිත ගත නෙත ගත           කත ළ නොපෙරෙ ජල ගත දැකැ ම       නොගත සැබැවැ රජක්‌ නොවි ගත තද ගල        ගත බල මග යන්නො යති එති ය             නුමුත කොමුළ් අමඩ් ලෙඩ් ලින             සී එ බොන්ද මියුර් යහ බැ  ...

  රස පිරි මියුරු පද දමෙහි උවන් රූ මුතු පබළු අමුණා ලලිත මන නද නදින් සවනට අමා රස දී නෙත් සොඳුරු රූ සිරින් සරසනා ඔබ... මනුසතු හද මඬල පිනවා නැණ මල් මඬුළු පුබුදා 

  රිවි කැලුම් දහරින් පුබුදුවා කැකුළු මල් විහිද යන සුගන්ධය ලෙහි තුරුලු කර හොවා සිනා කැන් පුබුදුවන මගේ අම්මා ඔබය... අඳුරු ආකාසයට විහිදුවා ලන නිබඳ රිවි කැලුම් දහරින් තරු පොකුරු බබුළුවා ගගන දුළ වනු බලා තුටු කඳුළු වගුරුවන මගේ අම්මා ඔබයි... ඈත දියබට යොමා පෙරට යන මඟ කියන රිවි කැලුම් දහරින්  සයුරු තරණය කරන තුටු සිනා රැළි නගන හිස රුවන් කිරුළු ලන මගේ අම්මා ඔබය.. සසර බව දිගු කරන රුදුරු ගොර සපු නසා තිමිර පට ඉරා දා මෙත් බුදුන් දම් දෙසන කෙම් බිමට වඩම්මා අපට ආසිරි වඩන මගේ අම්මා ඔබයි... 🌼("සිළුමිණ"පුවත්පත -'සිත්මල්යාය' 'ළහිරු මඬල')🌼

  මල් පිපිලා සුවඳ හමයි කුරුලු රෑන් ගීත ගයයි ගස්වැල් සුළඟට නැළවෙයි වනේ සිරිය අපට දැනෙයි කොවුලා බටලීය වයයි කොට්ටෝරුවා බෙරය ගසයි මාල ගිරව් සින්දු කියයි වනේ සිරිය අපට කියයි ගංගා කොමලියගේ හැඩේ සුන්දර දිය ඇල්ලේ දඟේ ගසෙන් වැලෙන් සිසිල ගෙනේ වනේ සිරිය අපට දැනේ විලේ නෙළුම් මලුත් පිපෙයි බඹරා ගුම් ගුම් නද දෙයි මල වට සමනලිය නටයි වනේ සිරිය අපට මැවෙයි මුව පැටියා පැන පැන යයි හා පැටික්කි පිනුම් ගසයි කුරුලු පැටියා ගීත ගයයි වනය මනාලියක් වගෙයි 🌼"සිළුමිණ" පුවත්පත - 'ටිකිරි හමුව' 🌼

             "පෙරදිග ලෝකයේ මුතු ඇටය" යන විරුදාවලිය ලත් සිරිලක් මව ස්වභාව සෞන්දර්යයෙන් අන් සියලු රටවල් පරදවන්නී ය. දුටුවන් මන නුවන් බඳිනා නීල කරදිය වළල්ලෙන් වට වූ මේ සුන්දර දිවයින වටා පිහිටි වෙරළ තීරය සිරිලක් මවගේ ගෙල බැඳි මුතුපොටක් සේ ය. ගංගා, ඇලදොළ, කඳුවැටි, තැනිතලා, වනපෙත් ආදියෙන් අලංකෘත වූ ජෛව විවිධත්වයට හේතු වූ අපා, දෙපා, සිව්පා, බහුපා ප්‍රජාවට වාසභූමි වූ මේ දිවයින ස්වභාව සෞන්දර්යය ලැගුම් ගත් පාරාදීසයක් බඳු ය. සොබාදහමේ දායාද ලෙස උරුම වූ ස්වභාවික සම්පත් හේතුවෙන් සශ්‍රීක ය. ධන ධාන්‍යයෙන් අහාරපානාදියෙන් සමෘද්ධිමත් ය.                      මාතෘභුමියේ ඓතිහාසික වෘත්තාන්තය අප මනසේ අභිමානය ජනිත කරන්නේ ය. ප්‍රතාපවත් නරපතියන්, අභීත සෙන්පතියන්, වීර වික්‍රමාන්විත රණවිරුවන් ජාතියේ, දේශයේ නිදහස හා උරුමය රැක ගැනීමට ජිවිත පරිත්‍යාග කළ සටන් ඉතිහාසයේ රන් අකුරින් ලියවී ඇත. වැව්, අමුණු, වෙහෙර විහාර, දාගැබ්, ප්‍රතිමා, කැටයම්, ලලිත කලා, සාහිත්‍ය ආදී සංස්කෘතික උරුමයෝ ජාතියේ,දේශයේ ප්‍රෞඪත්වය හා අභිමානය ලොවට කියා පාන්නෝ...

තරු හිනැහෙන නිල් අහසේ රන් තැටියක් සේ බබළන සඳ කුමරිය එබී බලන සුන්දර රැය අසිරි මවන විලේ කුමුදු මල් හිනැහෙයි  කඩුපුල් මල් ගීත ගයයි මා වවුලන් නැටුම් නටයි බකමුණන් තාල් තබයි  මුතු පලසක් මෙන් දිලිසෙයි මැද රන් තැටියක් දිදුලයි රන් තැටියෙන් කිරි ඉතිරෙයි එය දැක මගේ හද පොපියයි තරු මුතුපොට මෙන් සෑදෙයි සඳ වටකර ගීත ගයයි ඒ ගීයක් අපට ඇසෙයි රෑ අහසේ අසිරි මවයි 🌼("සිළුමිණ පුවත්පත"-ටිකිරි හමුව )🌼