මගේ විදු මව 🏫

 

රිවි කැලුම් දහරින්

පුබුදුවා කැකුළු මල්

විහිද යන සුගන්ධය

ලෙහි තුරුලු කර හොවා

සිනා කැන් පුබුදුවන

මගේ අම්මා ඔබය...

අඳුරු ආකාසයට

විහිදුවා ලන නිබඳ

රිවි කැලුම් දහරින්

තරු පොකුරු බබුළුවා

ගගන දුළ වනු බලා

තුටු කඳුළු වගුරුවන

මගේ අම්මා ඔබයි...

ඈත දියබට යොමා

පෙරට යන මඟ කියන

රිවි කැලුම් දහරින් 

සයුරු තරණය කරන

තුටු සිනා රැළි නගන

හිස රුවන් කිරුළු ලන

මගේ අම්මා ඔබය..

සසර බව දිගු කරන

රුදුරු ගොර සපු නසා

තිමිර පට ඉරා දා

මෙත් බුදුන් දම් දෙසන

කෙම් බිමට වඩම්මා

අපට ආසිරි වඩන

මගේ අම්මා ඔබයි...

🌼("සිළුමිණ"පුවත්පත -'සිත්මල්යාය'

'ළහිරු මඬල')🌼