🌳වන සිරියාව 🌳

 

මල් පිපිලා සුවඳ හමයි

කුරුලු රෑන් ගීත ගයයි

ගස්වැල් සුළඟට නැළවෙයි

වනේ සිරිය අපට දැනෙයි

කොවුලා බටලීය වයයි

කොට්ටෝරුවා බෙරය ගසයි

මාල ගිරව් සින්දු කියයි

වනේ සිරිය අපට කියයි

ගංගා කොමලියගේ හැඩේ

සුන්දර දිය ඇල්ලේ දඟේ

ගසෙන් වැලෙන් සිසිල ගෙනේ

වනේ සිරිය අපට දැනේ

විලේ නෙළුම් මලුත් පිපෙයි

බඹරා ගුම් ගුම් නද දෙයි

මල වට සමනලිය නටයි

වනේ සිරිය අපට මැවෙයි

මුව පැටියා පැන පැන යයි

හා පැටික්කි පිනුම් ගසයි

කුරුලු පැටියා ගීත ගයයි

වනය මනාලියක් වගෙයි

🌼"සිළුමිණ" පුවත්පත - 'ටිකිරි හමුව' 🌼